تحریک منہاج القرآن کے سربراہ ڈاکٹر طاہرالقادری نے کہا ہے کہ الیکشن کے عمل بے ضابطگیوں نے پوری قوم کی نگاہ میں الیکشن کمیشن کا وقار مجروح کیا۔ اے آر وائی نیوز کے پروگرام سوال یہ ہے میں گفتگو کے دوران ڈاکٹر طاہرالقادری کا کہنا تھا کہ آئین کے آرٹیکل باسٹھ اور تریسٹھ کی اسکروٹنی ایک ٹیسٹ تھا۔ ٹیکس چوروں سے ٹیکس کی ادائیگی کا پوچھنے کی بجائے بیویوں کی تعداد پوچھی گئی۔ علامہ طاہرالقادری کا کہنا تھا کہ پاکستان میں صرف ایک شخص کو الیکشن لڑنے کے لیے نااہل قرار دیاگیا۔ ڈاکٹر طاہرالقادری نے کہا کہ عمران خان سے کہا تھا کہ وہ ہمارے ساتھ چلیں ، کرپٹ نظام کے خلاف آواز نہ اٹھائی تو گیارہ مئی کی شام کو آپ دھرنے دے رہے ہوں گے۔
ڈاکٹر طاہرالقادری کا مزید کہنا تھا کہ یہ طرز انتخاب جاگیرداروں اور سرمایہ داروں کے لیے ہے۔
تبصرہ