پاکستان عوامی تحریک اور تحریک منہاج القرآن تحصیل جہلم کے زیراہتمام فرسٹ مون میرج ہال میں بیدارئ شعور سیمینار کا انعقاد کیا گیا جس میں سیکرٹری اطلاعات پاکستان عوامی تحریک عمر ریاض عباسی نے خصوصی شرکت کی۔ پروگرام کا باقاعدہ آغاز تلاو تلاوت کلام پاک سے ہوا جس کی سعادت عصمت اللہ قادری حاصل کی، جبکہ نعت رسول مقبول صلی اللہ علیہ وآلہ وسلم کی سعادت حسن محی الدین نے حاصل کی۔ اس موقع پر سابق تحصیل ناظم جہلم غلام احمد زمرد کے علاوہ تحصیل بھر سے وکلاء، ڈاکٹرز، پروفیسرز، انجینئرز اور دیگر مذاہب اور مسالک سے لوگوں کو مدعو کیا گیا تھا۔ پروگرام میں عمر ریاض عباسی نے نہایت مدلل انداز میں سامعین تک شیخ الاسلام ڈاکٹر محمد طاہر القادری پیغام انقلاب پہنچایا۔ بعد ازاں تمام نمائندگان نے اس یقین کاا ظہار کیا کہ وطن عزیز میں انقلاب فقط ڈاکٹر طاہر القادری ہی لا سکتے ہیں اور ہم اس سفر میں ڈاکٹر طاہر القادری کے ساتھ ہیں۔ اختتام پر اللہ کے حضور امت مسلمہ اور پاکستان کی سر بلندی کیلئے دعا کی گئی۔
تبصرہ